Expositieruumte
Wie bint wies met oonze expositieruumte, want den is helemoale verneit. Met steun van divesse partijen (zie stoat vermeld op oonze pagina Donateurs en Sponsoorn) hebbe wie et leste half joar d'r alles an e doane um oons binn'gedeelte net zo antrekkelijk en leerzaam te maakn as oons buut'ngedeelte.
An de haand van een logische en educatieve route wandel ie van et hoogveengebied dat et nou is, de Engbertsdijksvenen, terugge in de tied. Ie leert over et ontstoan van 't veen, over de arbeiders en hoe ze leem, et zwoare wark in 't veld en ie eindigt in de noabije toekomst van et gebied met heur bewooners.
He'j disse ronde emaakt - met of zonder ien van oonze ervaarn rondleiders - dan krie'j op et buutngedeelte met de huttn en de huussies vaste nog wa een better beeld van et leem van toen in 't veen.
Wi'j eerst èm uutbloazn met een koppie koffie of thee met wat lekkers d'r bi'j? Ok da kan natuurlijk nog steeds in et nei aneklede bin'ngedeelte of oons gezellige buutnterras.
