Het Veenmuseum
Nog mar honderdvieftig joar eleedn zag disse streek d'r heel aans uut. Veur zoverre a'j konn kiekn wast ien grote vlakte met hoogveen.
De monnikn van 't klooster in Sibculo an 't ènde van de middeleeuwn waarn de eerstn die de wildernis begonn te ontginn en ok vanuut Venne en 'n Ham was 't er op klène schaal bebouwing en afgraving van 't veen.
Mar pas noar 1850, toen de kanaaln met hun wieken wordn egraam, kwam de grootschalige industriële vervening op gang. Vanuut divesse deeln van 't laand streekn veenarbeiders near um et enorme veenpakket te ontginn. Dorpn as Westerhaar-Vriezenveensewieke, Vroomshoop, Kloosterhaar en de Polln verscheen op de kaarte en kwaam tot ontwikkeling.
Wo'j oons bezuukn?
Veur een bezuuk vroage wie een vrieje gift. Een anwiesing: de anbevooln vrieje gift ofgeloapn tied was veur een volwassene € 2,50 en € 1,50 veur kindern.
N.B. De parkeerplaatse van Het Veenmuseum wodt noa de openingstiedn of esleutn.
Wo'j hier rekkening met hoaldn aj noa oen bezuuk van 't museum in mooie gebied van 't Veenskap of de Engbertsdijksveenn goat wandeln?
Hon'n mag, alleen wel an de liene en a'j de behoeft opruumt.
